plaentxia.eus

Espaloia botata eta Gabolatseko zubia itxita

  Gizartea

Aurrera doaz Gabolats kaleko goiko partea urbanizatzeko obrak. Horren adierazle, dagoeneko aldapako espaloia bota dutela, kalea plataforma bakarrean egokitzeko. Bestalde, gaur eta bihar, Gabolatseko zubia itxita izango da, obra horiengatik.

Espaloia botata eta Gabolatseko zubia itxita
Gabolatseko eskailera, apurtzen hasita. | Ikusi handiago | Argazki originala

Hain justu ere, 08:30ean itxi dute Gabolatseko zubi txikia zirkulaziora, eta halaxe egongo da, gaur eta bihar, 18:30ak bitartean.

Itxiera horrek eraginda, Baltegieta kaleko garajeetara ezin izango dira ibilgailuak sartu. Eta Gabolats kaleko garajeetarako sarrera-irteerak Zubi Nagusitik egingo dira.

Pibotea martxan

Gogoan izan beharra dago, baita ere, Gabolatseko obrak hasi zirenetik zabalik egon den Etxaburueta kaleko pibotea atzera ere martxan dagoela, joan den barikutik.

Gabolatseko obretara bueltatuz, espaloia botata, kanalizazio berria sartzen ere badihardute. Eta egunotan botako dute, baita ere, Gabolatseko 36. atariko eskailera.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa