Tanta gutxi batzuk egin zituen arren, eguraldiak ere bat egin zuen atzo Soraluzeko Zuhaitz Egunarekin, eta goiz polita izan zuten Plaza Berritik Urkiazelaira igo eta bertan 30 pago landatzeko elkartu zirenek.
Gurasoen laguntzarekin
Gipuzkoako Foru Aldunditik ekarritako zuhaixkak landatu zituzten, hain justu ere, bertako zuhaitzak, alegia. Pagoak sartzeko zuloak gertu zituzten bezperatik; haiek apur bat handitu zituzten gurasoen laguntzarekin eta aitzurrak eskuetan, neska-mutikoek jardun zuten, batik bat, pago-landaketan.