plaentxia.eus

Guztiz estreinatuta

  Gizartea

Elementu berriak ipinita, atzo eguena, estreinatu zuten erabat Estaziñoko parkea neska-mutikoek. Ipini berri ziren eskaladarako presetatik paretak zeharkatu, hareatzako hiru harea motekin jolastu, enbor batetik bestera saltoka jardun… deigarria zen, Estaziñoko ziburu-zaburuak libre ikustea, goiko parkea bete-beteta zegoela.

Guztiz estreinatuta
Umeak eskalatzeko presetan, Estaziñoko parkean. | Ikusi handiago | Argazki originala

Egunotan lanean ibili ostean, atzo eguena, gertu laga zuten Estaziñoko parke berria, ipintzeko falta ziren elementu guztiekin. Ipinitako azkenak: eskaladarako presak, hareatza, eta gune lasaian zoru berria, harritxoekin gozatutakoa.

Espazioa ondo aprobetxatuta

Benetan ondo aprobetxatu dute Estaziñoko parke berria eraikitzeko espazioa. Hala ondorioztatzen da ikusita zenbat elementu eta jolaserako gailu desberdin dauden ipinita horrelako espazio txikian.

Eta benetan gustura hartu dute halako parke ezohikoa neska-mutikoek. Haren inaugurazioan Porrotx pailazoak esandako moduan, “eskolara joatean, handik irtetean…”, eta ahal duten guztietan dabiltza bertan jolasean.  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa