Hain zuzen ere, bi fasetan egingo ditu lanak, eta orain, lehen fasean, kanalizazio berria sartzen dabil, saneamendurako hoditeria, alegia. 180 metro berrituko dituzte.
Plataforma bakarrean
Ondoren, hasiko dira kalea urbanizatzen, plataforma bakarrean ipintzeko, Plaza Zaharretik Estankora arteko zatian dagoen moduan. Uda hasierarako obra bukatuta egotea aurreikusten dute. 158.484,5 euroko (BEZ barne), inbertsioa egingo dute.
Zirkulazioa udalerri barrutik
Lanak direla eta, zirkulazioa aldatu eta lanek iraun bitartean honako noranzkoetanibili beharko dute ibilgailuek:
- Ezozibidea, 2-8 zenbakien arteko tartea bi norabideetan dago zabalik.
- Kalebarren, Plaza Zaharra eta Gabolats kaleen norabidea aldatu egin da.
- Gabolats eta Baltegieta kaleetako garajeetarako sarrera Zubi Nagusitik edo Etxaburueta kaletik barrena egiten da, irteera berriz, Gabolatseko zubitik.