“Domekatik, lehenago ez bada, daude hondakinak edukiontzietatik kanpo. Eraman egiten dituzte, baina hurrengo egunean berriro ere hortxe daude, berriak lagata. Denetik egoten da, gainera, baita altzari zaharrak ere (argazkian)”, kontatu du N.Z. herritarrak.
Hark jakinarazi du, halaber, paperen eta kartoien kasuan, sarri halakoak ezin izaten direla edukiontzira barrura sartu, hura bete-beteta egoten delako.
Bestelakoetan ere
Ez da, gainera, hondakinak edukiontzietatik kanpo izan dituen puntu bakarra. Egunotan puntu baten baino gehiagotan errepikatu da erretratu hori, Atxuriko parke azpiko edukiontzien argazkiak erakusten duen moduan.