plaentxia.eus

Datorren asterako bi hitzordu dituzte pentsiodunek

  Gizartea

Atzera ere errepikatu da argazkia Plaza Berrian: pentsiodun ugari, pentsioen igoerarengatik protesta egiten, gaur eguerdian, astelehena. Pentsio duin baten alde zioen pankartak lagunduta, elkarretaratzea bukatzean, datorren asteko manifestazioan parte hartzeko autobusa antolatuko dutela jakinarazi dute.

Datorren asterako bi hitzordu dituzte pentsiodunek
Pentsiodunak Plaza Berrian, gaur, otsailaren 12an. | Ikusi handiago | Argazki originala

Hain justu ere, otsailaren 22rako dabiltza manifestazioak antolatzen, Estatu mailan, eta baita Euskal Herrian ere.

Hemengo kasuan, Bilboko manifestazioarekin bat egingo lukete Soraluzeko pentsiodunek eta bertaratzeko autobusa antolatu nahi dute. Bilbon, otsailaren 22an, eguena, 12:00etan izango da manifestazioa.

Hori horrela, bada, autobusaren ordutegiaren berri zein bertan izena emateko nora jo udalerriko informazio puntuak baliatuz jakinaraziko dute.

Bestela, manifestazioa hemen

Edozein modutan, esan dute baita ere, Bilbora joateko proposamena nekeza ikusiko balitz, Soraluzen bertan antolatuko dutela otsailaren 22an manifestazioa, iluntze partean.

Otsailaren 22ko hitzordua baino lehen, baina, hurrengo astelehenekoa dute: azken asteotan moduan, elkarretaratzea egingo dute, 12:00etatik 12:15ak bitartean, Plaza Berrian.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa