42 bilduma aurkeztu dituzte Kontrargiren XXIX. Argazki rallyra. Bestela esanda, 42 parte-hartzaile izan ditu aurten Soraluzeko argazki kolektiboak antolatzen duen argazki rallyak. Azaroan egin zuten Soraluzeko argazki saioa.
210 argazki
Hain justu ere, bosna gai emanda, guztira, 210 argazkiren artean aukeratu behar zan dituzte lau onenak. Gaiak izan dira honako hauek: Komunikazioa, Desoreka, Balkoia, Ilusioa eta Zaporea. Eta irabazleak, berriz, izan dira honako hauek:
- Herriko saria: Fernan Oregi
- 1. Saria: Carlos de Cos Azkona
- 2. Saria: Javier Lopez (Barakaldo)
- 3. Saria: Jose Luis Rodriguez (Zalla)
Atzo, zapatua, egin zuten sari banaketa, Kontrargik Elkartegian duen lokalean, eguerdian. Lehenengo lehiaketara aurkeztutako argazki-bildumak erakutsi dituzte eta ondoren jakinarazi dituzte irabazleak.
Torloju erraldoiak sari
Iker Aldazabal alkatearen eskutik jaso zituzten sariak: Tornilleria Oruesagastik landutako torloju erraldoiak. Garaikur handienak, lehen saridunari emandakoak 12 kilo pisatzen ditu, eta gainontzekoek, berriz, ia 5,5 kilo. Bigarren sariduna sari banaketaren aurretik bertaratu zen sari bila, lan kontuengatik.