Kalean segitzen dute pentsiodunek

Kalean segitzen dute pentsiodunek
Pentsiodunak protestan gaur, Plaza Berrian.

Euriari, haizeari, hotzari… aurre eginez plazaratu dute, beste behin, euren protesta pentsiodunek eguerdian Plaza Berrian. Eta halaxe segitzeko asmoa dute, izan ere, “datorren asterako pankarta dago eskatuta”, jakinarazi dute.

Oraingoan Plazentziatik iritsi zaie pentsiodunei protesta egiteko deia, eta oraingoan ere, zalantza barik erantzun eta Plaza Berrian elkartu dira, pentsio duinak aldarri herritar mordoska.

Gutunak bueltan

Horrez aparte, hasi dira pentsioen %0,25eko igoera iragartzen duten jakinarazpen gutunak bueltan bidaltzen. “Nik ziurtatuta bidali dut gutuna, ailegatzen dela seguru jakiteko”, esan du protestara bertaratutako herritar batek.