Txandaka, denen artean lan egin eta 19:00etan hasita Gaztetxeko barra zabalik izango da Aratuste-zapatuan. Gero, gauerako, “parranda aurreikusten da”, diote Gaztetxetik.
Hiru talde
Izan ere, herritarrek osatutako hiru taldek kontzertua eskainiko dute 22:30ean hasita: Tribalistak, Janis Joplin eta Caribe Mix taldeek.
Tribalistek erritmo brasildarrarekin dantzan jarriko dituzte bertaratzen direnak; Janis Joplin taldeak, berriz, izena ematen dion musikari ezagunaren kantuak interpretatuko ditu, 60ko hamarkadako rock eta blues doinuak, hain justu; eta Caribe Mix-ek, udan denon belarrietan izaten diren kantuak joko dituzte, bideoan entzungai den La Barbacoa modukoak.