Aurtengoa hogeita seigarren aldia izango da herriko gazteak baserriz baserri Santa Ageda koplak kantatzera aterako direna. Goizeko 08:30ean hasi eta iluntzeko 20:00ak bitartean kantatuko dute Ezozi, San Andres eta Txurruka auzoko hainbat baserritan.
Herriko trikitilari eta bertsolariekin batera, Beñat Iguaran bertsolari amasarra ere ibiliko da kopla kantari. Lehenago ere ibili izan da Iguaran kopla kantari herrian, 2014an hain zuzen.
