Negu gorriko eguraldia du iragarrita Euskalmetek gaurko. Eta esnatu, horrela esnatu da, mendiak erdi zurituta.
Abisuen jakitun, Soraluzen gertu daude baliabideak elurrak eragindako ustekabeei aurre egiteko. Gatza laga dute baserri auzoetan, baserritarrek erabil ditzaten; eta Debemeneko traktorea ere bideak garbitzeko gertu da.
Eta Udaleko langileak ere gertu daude, herrian arriskutsuak izan daitezkeen puntuetan gatza botatzeko: aldapetan, igogailu aurreetan eta halakoetan.
Soraluzeko Udalak eskatu du, baita ere, mendira elurretara joan nahi duena kotxez ez igotzeko, aurreko elurtearekin arazoak izan ziren-eta.