Hain justu ere, gertakari deigarri horrekin jabetu zen iturgina udaletxeko itogina konpontzean: eskopetaren bi balin-ek utzitako beste horrenbeste zulo zituela udaletxeko teilatuko urak bideratzeko hodiak.
Kontuak kontu, bada, hasiera batean itogina konponduta dago. Edozelan ere, halakoetan froga egin arte askotan ezin izaten da jakin; beraz, bihar ikusiko da ea lortu duten konpontzea, eguraldi benetan kaskarra dago-eta biharko iragarrita.
Hodia, fatxada kanpotik
Herriko antzokiaren ondoko komunari dagokionez, berriz, askotan erabili ezinda egoten zen berau, eskuoihal bustiz zein komuneko paperarekin trabatu egiten zen-eta. Bada, egin dutena da haren hodia kiroldegiko fatxada kanpora atera eta bertatik bideratu, modu horretan, hodia zuzen ipini ahal izan dute.