“Basurdeekin demaseko arazoa dago. Mendigaina harrotzen dute, baina gainera, hainbat baserritar gurekin harremanetan jarri ziren abisatzeko ortuetara jaisten hasita zeudela, eta basurdeak ortuetan sartzen direnean dena alperrik galtzen dute. Gu Diputazioarekin harremanetan jarri ginen eta haiek Gipuzkoako Ehiza Federaziora bideratu gintuzten; hain justu, azken horiek egin dituzte uxaldiak. Izan ere, basurdeen eta orkatzen gainpopulazioa dago, ez dute harrapakari-depredadore naturalik-eta. Beraz, gaiaren gainean gaude, Diputazioa, Ehiza Federazioa eta Udala, kalteak ekiditeko”, esplikatu du Iker Aldazabal alkateak.
50 orkatz
Helarazitako datuen arabera, basurde uxaldiez aparte, orkatz uxaldiak ere egin dituzte. Kasu horretan, 2017tik orain arte 15 halako eginda, 15 orkatz bota dituzte. Ikusi, berriz, 50 ikusi dituzte. “Orkatzen kasuan, zuhaitz txikien puntak eta azala jaten dute, eta zuhaitza bera alperrik galdu egiten dute”, esplikatu du Soraluzeko alkateak.