plaentxia.eus

Martitzenean zabalduko dute Kooperatibako arrandegia

  Gizartea

Datorren astean, urtarrilaren 16an, hain zuzen ere, zabalduko dute udalerriko bigarren arrandegia, Kooperatiban izango dena. Oraingo astean bukatu dituzte azken egokitzapen lan guztiak eta gertu dago Rosa Burgoa arrainduna bertaratzeko. Ondarrutarrak hartuko du haren ardura eta Kooperatibaren ordutegi berarekin funtzionatuko du. 

Martitzenean zabalduko dute Kooperatibako arrandegia
Arrandegian azken egokitzapenak egiten. | Ikusi handiago | Argazki originala

Bestela esanda, honako ordutegia izango du arrandegi berriak: astean zehar, 08:30-12:30 eta 17:00-19:45 eta zapatuetan, 08:30etik 13:00etara. Astelehenetan jai izango du.

"Erosketa integrala"

Kooperatiban arrandegia zabaltzeko arrazoia da, Maite Gorostidi bertako presidenteak eta Aitor Prieto bertako idazkariak Pil-pileani kontatutakoaren arabera, uste dutela “Plazentzian gabezia” dagoela zentzu horretan, “eta herrian arrandegi bat baino gehiago izateak jendeari aukeratzeko aukera ematen diola. Jendeari erosketa integrala, osoa, egiteko aukera eman nahi diogu, zerbitzu hobea eskaini. Orain dela 2-3 urte hasi ginen ideiarekin, eta orain hasi gara gauzatzen”, gaineratu zuten. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa