Bost zerbitzutan doikuntzak egin ditu Pesak, Soraluzetik ere pasatzen diren zerbitzuetan, hain justu ere: DG05 (bi zerbitzutan), DG05A (beste bi zerbitzutan) eta DG 05D linean. Bestela esanda, honako ibilbideak egiten dituzten zerbitzuetan:
DG 05: Ermua, Eibar, Eskoriatza, Gasteiz
DG 05 A: Ermua, Eibar, Bergara, Arrasate, Gasteiz
DG 05 D: Eibar, Gasteiz (Paduratik)
Geraleku bakarra: erdigunea
Doikuntzen eraginez, oro har, aldatu egin dira Pesako gainontzeko autobus zerbitzuetako ordutegiak. Adibidez, orain Eibarrera joateko laurden gutxitan eta eta laurdenetan dira ordutegiak. Horietako autobus batzuk Arrasatetik datoz eta beste batzuk, berriz, Gasteiztik.
Zerbitzuak ez ezik, geralekuak ere aldatu egin dira. Izan ere, linea batzuetako autobusak bakarrik geratzen dira Soraluzeko erdigunean, eta ez beste bi geltokietan.
Autobus-aldaketak errazteko
Gipuzkoako Foru Aldundiko Mugikortasun Sailetik esplikatutakoaren arabera, bidaiarien autobus-aldaketak errazteko ezarri dituzte doikuntza horiek Eibar-Gasteiz arteko lineetan.
Ordutegiak kontsultatzeko, hemen klika daiteke, eta gero norberak erabili behar duen linean sartu; bertan daude zerbitzu horiek egiten dituzten ordutegiak gehi ibilbideak gehi geralekuak.
Horrez aparte, Soraluzeko udaltzainek ipini zituzten ordutegi berriak geralekuetan.