Txirrista erraldoia, Edurnezuriren etxea, txikitxoenendako gunea… jostagarri izan zuten, atzo, domeka herriko neska-mutikoek, IGEren gurasoen elkartearen eskutik kiroldegian izan zen Gabonetako parkean. Egun osoan izan zuten bertan jolasteko aukera, Gabonei amaiera borobila emanez.
Kiroldegiko kantxa puzgarriz beteta zen goiz eta arratsalde, atzo; aurten berritasun batekin: Gure Esku Dago mugimenduak txosna ipini zuen bertan. Modu horretan, gurasoei laburragoa egin zitzaien itxaronaldia.
Arratsaldean, berriz, ezustekoa ere izan zuten. Puzgarri bat pintxatu eta erretiratu egin behar izan zuten-eta.
Horixe izan zen, baina, gertakaririk nabarmenena. Hortik aparte, umeen barreak, deiadarrak eta jakina, saltoak izan ziren aipagarri bakar eta nagusi.
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.