plaentxia.eus

Lurraldebuseko autobusak lazo beltzekin gaur

  Gizartea

Bart gaueko istripu larrian hildako Lurraldebuseko gidaria gogoan dute gaur enpresako lankideek; autobusetan lazo beltzak ipini dituzte, dolumina adierazteko. Bergaran jaio eta Eskoriatzan bizi zen J.M. 44 urteko gidariak Soraluzeko bidaiariak ere garraiatzen zituen. Istripuan bigarren hildako bat ere izan zen: 36 urteko J.C.P. arrasatearra.

Lurraldebuseko autobusak lazo beltzekin gaur
Autobusa, istripuaren ondoren. Argazkia: Goiena. | Ikusi handiago | Argazki originala

Gogorra izan zen atzo 21:20an Lurraldebuseko autobus baten eta moto baten arteko istripua. Aurrez aurre jo zuten bi ibilgailuek Aretxabaletako saihesbidean. Kolpearen ondorioz, autobuseko gidaria kabinatik atera ezinda geratu zen eta moto gidaria, berriz, autobus azpian. Biak ere hil egin dira.

Zerbitzua, normal

Ertzaintza istripua ikertzen dabil, baina hasierako zantzuen arabera, motor gidariak kontrola galdu, lurrera jausi eta autobus azpira sartu zen. Eta motorrak, ostera, aurrez aurre jo zuen autobusaren kabinaren aurka gidaria bete-betean harrapatuz. Aretxabaletako saihesbidea erabat itxita izan da gaurko 05:10era arte.

Lurraldebus normal dabil gaur garraio zerbitzua ematen; hori bai, lazo beltzak ipini dituzte autobusetan, hildako lankidea gogoan. J.M.-ren familian bost senide izan dira Pesa-Lurraldebuseko gidari, J.M bera barne. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa