Bihar, zapatua, 20:00etan hasiko da Ezoziko Ama Abesbatzaren 25. urteurrenaren baitan egingo duten azkeneko kontzertua. “Musikalki berau da bereziena”, adierazi zuen Ane Ugaldek, abesbatzako kideak.
Berezia da hainbat arrazoirengatik. Batetik, Ezoziko Ama Abesbatzak bere ibilbidearen hasieran jendaurrean eskaini zuen lehen kontzertua Elgoibarko Udal Musika Bandarekin izan zen, beraz, orain dela 25 urteko erretratua errepikatuko dute bihar.
Kantuak
Berezia da, baita ere, ezohiko lanketa egiten dihardutelako bi musika taldeek biharko kontzertua prestatzeko.
Eta berezia da, errepertorioa bera ere ezohikoa delako:
- Lord Tullamore, Carl Wittrock-ena
- Dry Yours Tears, Afrika, Jhon Williams-ena
- A Concert Celebration, Andrrew Lloyd Webber-ena
- Txoria txori, Iñaki Urkizurena
- Lau Teilatu, Iñaki Urkizurena
Kontzertua akustikoki ondo entzun dadin, gainera, kiroldegiko frontoia egokitu egingo dute. Bost euroko sarrera ordaindu behar da.