Besteak beste, pelikula onenaren, zuzendari onenaren, aktore berri onenaren, jatorrizko musika onenaren, jatorrizko gidoi onenaren, argazki zuzendaritza onenaren sariak eskura ditzake Handia filmak. Otsailaren 3an argituko da emaitza.
Ikusle gehien
Horrez gainera eta edozein modutan, azpimarratu beharra dago azken urteotan zinema-aretoetan ikusle gehien izan dituen euskarazko pelikula dela berau, urriaren 20an estreinatu zutenetik 90.000 ikusle pasa erakarri ditu-eta.
Bestalde, sariak ere poltsikoratuta ditu euskarazko film horrek, besteak beste, Zinemira Saileko Irizar saria eta Epaimahaiaren Sari Berezia, biak ala biak, Donostiako aurtengo Zinemaldian.
Euskal Herrian grabatutako pelikula da 'Handia'. Iaz grabatu zuten, besteak beste, Zestoan, Zumaian eta Zarautzen.