Liburuak, diskoak zein DVDak erosteko aukera ematen dute kultura bonuek. 20 euro balio ordainduta, bi motakoak daude: euskarazko produktuak erosteko eta gainontzeko hizkuntzetakoak erosteko.
Euskarazko produktuen kasuan, kultura bonoa erabilita, 12 euroko hobaria eskuratuko du erosleak; eta gainontzeko hizkuntzetako produktuen kasuan, berriz, 8 euroko hobaria. Bestela esanda, 20 euro ordaindu eta 12 edo 8 euro gehiago gastatu ahalko dira.
BEZ kulturalari aurre
Gipuzkoako Foru Aldundiak bultzatutako ekimena da berau, Denis Itxasok, Kultura diputatuak esplikatu duenez, konpentsazio modura bideratutakoa: “Herritarrei konpentsatu nahi diegu oraindik jasaten duten BEZ kulturalaren zerga-gehiegikeriarengatik, kultura luxuzko objektutzat hartzen baita premia biziko ondasuntzat hartu beharrean”.