Gaur, azaroaren 20a da Haurren Eskubideen Nazioarteko Eguna eta efemeride hori abiapuntu, atzo, domeka Haurren Eguna ospatu zuten Soraluzen lehenengo aldiz.
Eguerdi bitartean Plaza Zaharreko karpapean tailerrak egin zituzten, eta Haurren Eskubideen gaineko liburuxkak, agendak eta beste banatu zituzten, herritarren ekarpen solidarioa tarteko.
"Balorazio positiboa"
Arratsaldean, berriz, “umeen eskubidea jolastea ere badenez”, Soraluzeko Udaletik horixe berori egin zuten: jolaserako aukera eman, igerilekuan puzgarriak ipiniz. 125 neska-mutikok aprobetxatu zuten jolaserako proposamen hori.
Oro har, Soraluzen lehen aldiz antolatutako Haurren Egunaren balorazio positiboa egin dute Soraluzeko Udaletik.