“Begoña Afrikan bizi izan da urte askoz. Amarengandik ihesi joan zen. Ekaitz-egun beldurgarri batez, abortu baten ondorioz, bizia hankartetik zihoakiola konturatu zenean.
Arrate, aldiz, etxean geratu zen amaren itzalean. Lanbidez, famili medikua da eta itxura batez bizimodu zoriontsua dauka. Ezkonduta dago eta bi alaben ama da.
Bi ahizpak aurrez aurre elkartzeak elkarri kontuak eskatzeko balioko die. Ezer gutxi dakite amak batengan eta bestearengan utzitako arrastoez. Nahikoa lan izan du bakoitzak bere bizitza eraikitzen. Nahikoa lan bizitzen”.
Ituño, Gojenola eta Intxaurraga
Istorio hori kontatuko du gaur Hika teatroak Soraluzen. Hain justu, antzezlan horren egileak Arantxa Iturbe eta Agurtzane Intxaurraga dira; aktoreak, berriz, Itziar Ituño, Miren Gojenola eta Agurtzane Intxaurraga. Eta azken horren, Intxaurragaren zuzendaritzapean jardungo dute guztiek ere.
Soraluzeko Udalari esker, gure irakurleen artean bi sarrera bikoitz zozketatuko ditugu. Bada horiek zeini egokitu zaizkion eguerdian jakinaraziko dugu.