Gaztainak janez, eta kantuan eta dantzan ospatu zuten Gaztañerre eguna, eskolan

Ikasgeletan periodikoekin kukurutxoak egin, laukidun zapia lepoan jantzi eta Gaztañerreko kantuak entseatzen ibili ostean, trikitiaren doinuen deiak lagunduta patiora atera eta bertan erretako 45 kilo gaztaina jan zituzten Plaentxi Eskolako neska-mutikoek atzo arratsaldean, Gaztañerre Egunean. Musikarekin eta dantzarekin borobildu zuten ospakizuna.