Joera orokorrarekin bat eginez, Soraluzen ere jaitsi egin da langabezia tasa, urriko datuen arabera. Hain zuzen, %14,94ko tasa neurtu dute urrian, irailean, berriz, %15,64koa izan zen. Hala ere, Debabarreneko langabezia tasarik altuena duen udalerria izaten segitzen du.
Soraluze da, beraz, zoritxarreko ranking horretan lehena izaten segitzen duen herria. Gainontzekoekin alderatuta, Eibar datorkio atzetik, %13,88ko langabezia tasarekin; eta alde apurtxo bat handiagorekin dator Mendaro ondoren, %9,91koarekin. Azken horrengandik oso gertu kokatzen da, berriz, Elgoibar, %9,68ko tasarekin.
Eta langabezia tasarik txikienak dituzten udalerriak dira Deba, %7,88ko tasarekin eta Mutriku, %7,44koarekin.
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.