Lehen ekimenari dagokionez, joan zen eguenean egin zuten luzatze-ariketen gaineko aurkezpen tailerra; herritar ugari elkartu zen azalpenak entzutera Itxaropena elkarteko aretora, eta bertan esplikatu zituzten luzatze-ariketen onurak. Ikasten elkarteak antolatuta, adinduei zuzendutako ekimena da berau.
Eguenero, 18:30ean
Gaurko saiora irakaslea bertaratuko da, luzatzeak zela egin esplikatzeko. Asmoa da gero, talde autonomoa sortu, eta euren kabuz astean behin luzatze-ariketa saioa egitea. Hitzordua eguenero izango da, 18:30ean, Itxaropenan.
Emakumeen presentzia komikietan
Bigarren hitzorduari dagokionez, berriz, L.S.B. Ana emakume lesbiana baten istorioekin osatutako komiki bilduma aurkeztuko du egileak berak, Teresa Castrok. Emakume lesbianen ezkutuko errealitatea erakutsi nahi du, besteak beste, Castrok, bederatzigarren artea izenekoa, komikia baliatuta. 19:00etatik 20:30ak bitarteko saioa egingo du herriko antzokian.