Kalean gora eta kalean behera, korrika batean, kalabazak eskuetan eta galdera bat ahoan: eta orain nora joango gara eskatzera?
Horrelaxe ibili ziren atzo Soraluzeko neska-mutiko asko, beldurra eragiten zuen mozorroa soinean, koadrilatan elkartuta eta batek baino gehiagok gozokiak eskuratzeko euskarazko esaldia ere ondo ikasita zutela: Xanduli, manduli…
Kalabazak beteta
Zeramatzaten kalabazak betetzea lortu zuten askok, eta altxorra bailitzan erakusten zuten berau. Beste batzuk, gozokiak gordetzeko astirik ez, eta di-da jan zituzten.
Eta izan ziren, baita ere, Animen Gaueko afaria egin zutenak. Seme-alabekin batera, mozorroren bat jantzi eta menu berezi eta guzti prestatu zuten.