“Aurreko asteko asteartean, bertako barandak konpontzen ibili ginen beste behin ere, apurtu egin baitzituzten. Badirudi bertan dagoen tarima gainetik salto egiten dutela patinetearekin eta barandak oztopo dira horretarako. Eta zer okurritzen zaie beraien jolasekin jarraitzeko eta hauek apurtzea… Horregatik pintadetako batean aipatzen da Dejar de joder, Volveré, e.a.”, esplikatu du Iker Aldazabal alkateak.
Skate-gunea jartzeko aukera
Hark gaineratu du, besteak beste, patinete-zaleei begira, Udal Gobernua badabilela aztertzen 2018ko aurrekontuari begira skate-parke bat ipintzea, “herriko gaztetxoek egindako eskaerari bide emateko”. “Kiroldegi gainean ibiltzen dira, baina pentsatzen dugu U-ko gunea, padel pistaren ondoan, toki egokiagoa dela”, gaineratu du Aldazabalek.
Pintadei dagokienez, berriz, gaur bertan, astelehena, borratuko dituzte.