plaentxia.eus

'Go!azen' telesailaren aurrestreinaldia, domekan, Soraluzen

  Aisia

Azaroaren 3an hasiko dira Go!azen telesailaren kapitulu berriak ETB1en, baina lehenago aurrestreinaldiak egiten dabiltza herriz herri. Soraluzen, oraingo domekan izango da denboraldi berriko lehen atala ikusteko aukera, Herri Antzokian; sarrerak kiroldegiko harrera-gunean salgai daude, atzo (eguaztena) ezkero, euro baten truke eta agortu arte.

Bi emanaldi izango dira domekan, urriaren 22an, zineman, 17:00etan bata eta 19:00etan bestea. Horrez gainera, Udalak ez du baztertzen hirugarren emanaldi bat ere egitea, eskaeraren arabera. Kasu horretan, datorren martitzenean izango litzateke, urriaren 24an, 19:00etan.

Ez dator aktorerik

Ikus-entzunezkoa da Herri Antzokian proiektatuko dutena; eta proiekzioetara ez da telesaileko aktorerik bertaratuko.

Esandako moduan, azaroaren 3an hasiko dira gazteen eta neska-mutikoen artean horrenbesteko arrakasta duen Go!azen telesailaren emanaldiak ETB1en. Iaz bezala, barikutan izango dira ikusgai Basakabiko udalekuetan gertatzen diren istorioak, 21:00etan.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa