Fandangoa eta arin-arina ikasteko aukera, Gaztañerretako erromerien aurretik

Gaztañerretako erromeria Plaza Zaharreko karpan.

Urrats dantza taldeak ikastaroa antolatu du fandango eta arin-arin dantzak ikasteko. Lehenengo saioa barixaku honetan egingo da.

Badira urte batzuk, Urrats dantza taldeak fandango eta arin-arin ikastaroa antolatzen duela Gaztañerreko erromerien aurretik. Helburua, noski, herritarrei dantzok irakastea da, ondoren erromerian parte har dezaten.

Ikastaroa barixaku honetan hasiko da, eta azaroaren 10era bitartean, barixakuero egingo dira saioak, arratsaldeko 19:15etik 20:45era bitartean, herri ikastetxeko aretoan. Izen ematea debaldekoa da.