Gerra garaiko testigantzak, errekreazioak eta garaiko argazkiak dira elgoibartarren dokumentalaren lehengai nagusiak. Ikusentzunezkoa Elgoibar 1936 lan taldeak aurkeztu zuen iaz, Elgoibarren memoria historikoa berreskuratzeko hasitako lanaren barruan.
Dokumentala, arratsaldeko 19:00etan proiektatuko da Antzokian, eta sarrera debaldekoa izango da. Emanaldiaren aurretik, Elgoibar 1936 lan taldeko ordezkariek dokumentalaren eta taldearen lanaren nondik norakoen berri emango dute.