Hiru eguneko egitaraua prestatu dute Mesedeetako jaietarako; gastronomia, kartak, musika... denetariko ekitaldiak izango dira, Errekaldeko jaiek berezko duten ikutu herrikoiarekin. Aurte, Zarauzko Eromerian taldeak girotuko du zapatu gaueko dantzaldia, jaietako ekimenik arrakastatsuena izan ohi dena.
Iragarpenek euria iragarri duten arren, "B plana" gertu dutela azaldu digu Merchek: "udaletxeari haimak eskatu dizkiogu eta toldoekin bilduta ipiniko ditugu bazkaritarako". Plazaren inguruan dauden arkupeak erabilita, ziurtatu digu "ederki" moldatuko direla.
Aurten, gainera, txosna ipiniko dute Mesedeetako jaietan. Izan ere, Merchek adierazi digunez, "lehenago erabilgarri zeuden lokalak enpresa batek erosi ditu eta dagoeneko jai batzordeak ezin ditu erabili". Hori dela eta, aurten, lehen aldiz, txosna izango dute jaietan.
Hona hemen egitaraua:
Irailak 15, barixakua
18:00 Txupinazoa eta txokolatea
18:30 Kukumixorekin jolasean
19:00 Txorizo dastaketa
20:30 DJ zirkin - karaokea
22:30 Mus txapelketa
Izen-ematea: 10€ bikoteko.
Sariak:
- Arkumea, gazta eta 2 ardo botila.
- Txuletak, gazta eta 2 ardo botila.
- Bakailaoa, gazta eta 2 ardo botila.
- 4. Untxiak, gazta eta 2 ardo botila.
Irailak 16, zapatua
12:30 Eibarko trikitilariak
13:00 Toka txapelketa. Izen-ematea: €1. Saria: bildutakoa.
14:30 Herritarrentzako Paella. Txartelak salgai irailaren 6ra bitartean. Asigor dastalekua, Criado frutategia eta Bolintxo okindegian. Helduak 10€ / Umeak 5€
16:00 Jolasak
16:30 Tute txapelketa
- Arkumea, gazta eta 2 ardo botila.
- Txuletak, gazta eta 2 ardo botila.
- Bakailaoa, gazta eta 2 ardo botila.
- Untxiak, gazta eta 2 ardo botila.
19:00 GORRITI eta bere animaliak
22:30 Dantzaldia Eromeria taldearekin
00:00 Su Festak
Irailak 17, domeka
12:00 Lehiaketarako patata-tortilen entrega. Otarrainxka dastaketa.
12:30 Urrats dantza taldearen saioa
13:30 Patata tortilen dastaketa eta sari-banaketa
- Kg 1 txorixo iberiko, zainzuri lata 1, 2 botila ardo eta 20€.
- Kg 1 txorixo iberiko, zainzuri lata 1, botila ardo 1 eta 10€.
Toka jaurtialdi berezia.
Izen-ematea: €1. Saria: Gazta, kg 1 txorixo iberiko, zainzuri lata 1, botila ardo 1 eta 20€.
15:00 Jaien amaiera
ETORRI ETA GOZATU!