Urrats dantza taldeko dantzari txikiekin batera, Debagoieneko herrietako dantza taldeetatik etorritako dantzariek parte hartu zuten dantzari txikien jaian: Antzuolako Oinarin, Oñatiko Oñatz, Arrasateko Lore gazteak eta Txikitxu, eta Aretxabaletako Leizarrakoek.
Euria egin zuen, eta dantza saio nagusiak kiroldegiko frontoian egin behar izan zituzten. Hala ere, goizean, urtero moduan, Urratseko dantzariek emanaldi berezia eskaini zieten Mesedeetako egoitzako nagusiei.
Domekan egin zen zozketako zenbaki saritua 6968 izan zen. Zenbaki saritua antuolarrei egokitu zitzaiden eta txarrikumea Antzuolara joan zen.