Datorren domekan ospatuko da Irukurutzeta Eguna, eta, urtero moduan, Atxantxaboletako txabolan prestatutako salda eta txorixoa banatuko dituzte osintxuarrek.
Osintxuarrek eta plazentziatarrek elkarrekin antolatzen duten jaia da Irukurutzetakoa, maiatzaren lehenengo domekan ospatzen dena. Azken urteotan egin izan den moduan, aurten ere, 11:30ak aldera salda eta txorixoa banatuko dituzte hurreratzen diren mendizaleendako.
Eguraldi iragarpenek iragarri dute domekan aterri egingo duela.
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.