Joan zen astelehen goizean burdinezko barra bat topatu zuen atean Marimarrek harategia zabaltzera joan zenean. Bigarren atearen markoan barrarekin atea irekitzeko egindako ahaleginaren arrastoak agerian zeuden baina ez zuten lortu barrura sartzerik. Marimar Dezak azaldu digunez, herritar batek bi pertsona ikusi zituen atean, eta motorrean alde egiten ere bai.
Gau horretan bertan, Santa Ana kaleko karkaban dagoen biltegi batera sartzen ere ahalegindu ei ziren, baina han ere ez zuten sartzerik lortu.
Marimar Dezak udaltzaingoari eta ertzantzari eman zion gertatutakoaren berri eta udaletxera ere jo du, gauetan segurtasuna bermatzeko neurriak har ditzatela eskatzeko.