Azken hiru hilabeteotan Gaztelupe tabernan lapurtzen duten bigarren aldia da. Lehenengo lapurretan egin bezela leihotik sartu dira lapurrak taberna barrura. Oraingo honetan lurretik distantzia handienera dagoen leihotik sartu dira.
Lapurreta goizaldeko 3:30ak eta 6:00 bitartean izan dela uste dutela esan digu Kristina Laskurain, tabernako langileak: "Goizaldeko 2:30k pasata itxi genuen taberna eta Ertzaintzak goizeko 6:00etan eman du abisua, beraz, tarte hori baliatu behar izan dute lapurrek tabernara sartzeko".
"Tragaperras" makina apurtu eta bertako dirua eraman dute. Horrez gain, kutxa-erregistratzaileko txanponak eta barran zegoen yogurt zaporezko bizkotxo osoa ere eraman dute. Zaida Gonzalez, tabernako kudeatzaileak esan digunez, leihoa apurtzean aparte ez dute eragin bestelako kalte-materialik.
Ertzaintzako agenteek lapurrak identifikatzeko helburuarekin aztarna bila jardun dute goizean. Goizeko 11:00etarako normaltasun osoz ireki dute taberna.