Orain bi urte oñatiarrekin egin zuten moduan,oraingoan, elgoibartarrekin egingo dituzten jolasen bitartez jokatuko dute desafioa. Desafioaren ostean bazkaria egingo dute elkarrekin. Bestalde, aurtengo Gazte Eguneko ekitaldi nagusia jaietako hirugarren egunean antolatu dute, “gazteak egunez jaietan atera daitezen eskaintza erakargarria egiteko helburuarekin”.
Gaztetxea eta Galtzagorriak elkarrekin
Aurten lehen aldiz, Gaztetxeak eta Galtzagorrien jai-batzordeak elkarrekin antolatu dute jaietako egitaraua. Elkarren indarrak hobeto aprobetxatuz, gazteendako ekimen erakargarriak antolatzea izan da bat egiteko arrazoia. Parte hartzea, kultur aniztasuna, euskaltasuna eta parekidetasuna oinarri hartuta, ekimen ludiko eta musika eskaintza askotarikoa osatu dute.