40 soraluzetar inguru batu dira Korner Morea kolektibo feministak azken egunotan izandako hilketa matxisten aurka deituriko elkarretaratzera. Arratsaldeko 19:00etarako batu dira herritarrak plaza berrian eta aho batez Gasteizko eta Angeluko hilketa matxistak gaitzetsi dituzte. Udaletxeko ordezkariek ere bat egin dute protestarekin.
Gasteiz eta Angelun erasoak
Astelehen gauean, 20:00ak aldera Ertzaintza ohartarazi zuten Gasteizko alde zaharreko etxebizitza batean hilketa bat egon zela. Etxebizitzara heltzean bertan topatu zuten 43 urteko gizona, eta 60 urteko emakume bat hil izana aitortu zuen.
Bestalde Angelun ere erailketa sexista baten berri eman zuten astearte gauean. Gizon batek bere emaztea eta bi alaba hil zituen Belle Marion kaleko etxe batean.