Goizeko 03:00ak eta 05:30ak aldera sartu dira Etxeburueta kaleko Arrano tabernara bizilagunek esandakoaren arabera. Lapurrek kanpoko atea golpe batekin apurtu dute lehendabizi eta barruko ateko zerraila suntsitu ostean sartu dira. Ertzaintzaren unitate espezialista lapurrak identifikatzen lagun dezaketen aztarnen bila ari da orain.
Albo-kalte gutxi tabernan
Tabernako arduraduna den Reginak esan digunaren arabera tabernan ez dute ezer apurtu eta gauza guztiak bere lekuan zeuden. Zuzenean "tragaperras" makinara joan dira hura palanka batekin zabaldu eta barruko dirua hartu dute. Diru-kutxako dirua ere hartu dute baina bertan hurrengo egunean taberna irekitzeko txanponak besterik ez zeuden. "Dirua gauero etxera eramaten dugu eta ez digute kalte materialik egin".