Bestelako kontaktu interesgarrien zerrenda ere jasotzen du: udal-zerbitzuak, mankomunitatea, garbigunea… Pil-pilean Herri Komunikabideak argitaratu du, Udalarekin eta Bizikale merkataritza-elkartearekin elkarlanean eta Debagoieneko Goiena komunikazio-taldearen aholkularitzarekin.
Gida hiru euskarritan kontsultatu ahal izango da: paperean, digitalean eta, aurki, mugikorreko aplikazioan ere bai. Paperezko edizioa herriko etxe, elkarte eta lantegi guztietara banatuko da. Edizio digitala, berriz, erabilgarri dago plaentxia.eus/gida webgunean eta, laster, udalaren webgunean ere ikusgai izango da.
Azkenengo aldiz 2003an argitaratu zen herriko gida komertziala eta ordutik eguneratu barik zegoen. Etorkizunean, Gida etengabe eguneratzea da Pil-pileanen asmoa, beraz, edozein aldaketa edo intserzio egin behar izanez gero, publizitatea@pilpilean.com helbidera idatzi daiteke edo 686 73 44 70 (Gaizka) telefonora deitu.