Gaur goizean denbora luzez ibaira begira egon den herritar batek zera adierazi digu: “piraguei esker Soraluzen daukagun altxorra deskubritu dugu berriz. Etorkizunean gauza gehiago egin behar lirateke, batez ere gaztetxoek ibaian ibiltzeko ohitura berreskuratu dezaten”.
Alkarrekin prozesuaren hastapenetan Jose Luque herritarrak behin eta berriz aldarrikatu zuen ibaia piraguismoa eta bestelako ur-kirolak egiteko leku paregabea dela. Proposamen horrek bidea egin du, eta, azkenean, Udalak piragüismo ikastaroa antolatu du. Atzo eta gaur Bergarako piragüismo elkartea arduratu da piraguak ekarri eta ikastaroa emateaz.
Maiatzeko kirol egunean, berriz
Alkarrekinen kirol taldekoak maiatzean kirol eguna antolatzeko asmotan dihardute eta aurreratu dutenez, ibaira piraguak ekartzeko asmoa dute. Gainera, gaztetxoekin batera edozein adinetako pertsonek izango dute parte hartzeko aukera.
