Estatu espainiarreko abokatuak Bilduren zerrendak inpugnatu ditu, tartean Soraluzekoa. Horren salaketa egiteko, "ekintza horrek ekar ditzakeen ondorioak" salatzeko, eta "estatuaren mehatxu eta eraso guztien aurrean eskubide zibil eta politikoak aldarrikatzeko" izango da gaurko ekimena, Bildu Soraluzek azaldu duenez.
Koalizioak aditzera eman duenez, "azkenengo hilabeteetan ilusio giroa bizi dugu Euskal Herrian. Fase politiko berri batean sartuak gara eta horrek itxaropena ekarri du herrira.Baina estatu espainiarra trabak jartzen ari da ekin diogun bide berri honi." Bilduren zerrendak inpugnatzea bide horretatik doala dio, koalizioa ilegalizatzeko asmoarekin.