Matxinsalto Eguna ospatuko da bihar herrian eta milaka gaztek egingo dute Soraluzerako hautua. Horiei jaten eta edaten emateko azpieguturak montatzen hasi dira gaur antolakuntzako hainbat lagun. Zubi Nagusian bi txosna ipiniko dituzte eta goiko frontoian karpa haundi bat bazkarirako eta kontzertuetarako.
Izan ere, goizeko 10.00etatik espero da mugimendua herrian, orduan hasiko baita egunean zehar izango diren tailerretan izenematea. Eguerdian 700 lagunentzako bazkaria aurreikusi dute antolatzaileek, beraz, girorik ez da falta izango. Arratsaldez kultur maratoiak egongo dira herriko hainbat puntutan, besteak beste, dantza afrikarren ikastaroa, euskal hip-hoperoak, kale animazioa, erromeria...
Aspertzeko aitzakiarik ez bihar Plaentxian!
