Gaur arratsaldeko 19:00etan ohiko plenoa egingo da
saio aretoan. Gai zerrenda lau puntuz osatua dago eta beraz, ez dirudi
luze joko duenik gaurko saioak. Hasteko, aurreko saioaren akta,
apirilaren 14koa onartuko dute. Ostean, Alkatzetzaren Dekretuen berri
emango da.
Bi nodo optikoren ezarpena internet, kable bidezko telebista eta telefonia fijorako
Hurrengo puntua Euskaltel S.A. telefonia enpresari
dagokio. Hain zuzen, udalerriko telekomunikazio azpiegituren
hedapenerako lurzoru publikoaren lagapena egitea eta lokal bat
alokairuan ematea. Izan ere, Euskaltelen hedapen planaren barruan, Soraluzen telekomunikazioko bi nodo optikoren ezarpena dator. Enpresak egindako proposamenetan nodoak Ezozibide inguruan eta Atxuri kalean ipintzeko aukera aipatzen du.
Bestalde, lokala Soraluzeko Udalarena da eta Etxaburueta 3an dago, merkatu plazaren azpian. Asmoa da telekomunikazio zerbitzuen prestazioen nodorako erabiltzea, hala nola, internet, kable bidezko telebista eta telefonia fijoko zerbitzua eskaintzeko.
Plenoa laugarren eta azken puntuarekin amaituko da, eskari eta galderekin alegia.