Atzo Soraluzeko mendi taldeko 80 lagun Bizkaiko Sabai mendian izan ziren. Hasierako asmoa Urbiara joatea bazen ere, eguraldiak plana aldarazi
zien eta azkenean Durangaldeko mendira joatea erabaki zuten.
PELOTA: Laskuk galdu egin zuen Sestaon
Aritz Laskurainek barixakuan izan zuen partidua Sestaoko Las Llanas pilotalekuan. Idoaterekin bikote, Titin III eta Arrutiren aurka galdu egin zuen 22-12.
| {mosimage} |
FUTBOLA: Erregionalek irabazi, Kadeteek galdu
Asteburuan Sorako taldeak (Jubenilak ez ezik, deskantsua zuten) zelaietara irten dira lehiara. Erregionalek garaipena eskuratu zuten. Getarian jokatu zuten, Ketaren aurka eta 1-2 irabazi zieten plaentxiatarrek. Datorren asteburuan Lazkaoren aurka neurtuko dira eta emaitza errepikatzen saiatuko dira.
Kadeteek ostera Urki eibartarren kontra jokatu zuten Unbeko futbol zelaian eta 3-1 galdu zuten. Hurrengo erronka Arizmendiren aurka izango dute Antzuolako Estala futbol zelaian. Jubenilek ez dute neurketarik izan asteburu honetan; hurrengoan hauek ere Arizmendiren aurka jokatuko dute, baina kanpoan.