Debagoienako Trikitixa Eguna giro paregabean joan zen.
Bailaratik ez ezik, Euskal Herriko beste hainbat tokitatik etorri ziren
musikariak Soraluzera eta goizetik iluntzera arte ez zen girorik falta
izan herrian. Goizean kalejiran ibili ziren herrian zehar eta gero
oholtza gainean herri gonbidatu bakoitzak pare bat pieza eskaini zituen.
Horren ostean, Jexux Bereziartua panderojole plaentxiatarrak omenaldia
jaso zuen, oso pozik eta hunkituta herriaren txalo beroa jasotzean.
14:30ean batzuk, beranduago
besteak, pixkanaka frontoia betetzen hasi zen. 600 lagun inguruk
bazkaldu zuten mahai luzeen inguruan, herrika banatuta, Txurrukako jana.
Egun osoan zehar, bolondresak lanean ibili ziren fin-fin koordinatuta.
Eskertzeko moduko lana eurena.
Bazkalostean zenbaitek alde egin zuten baina geratu
zirenek, Xero Xieteren erromeriarekin gogoz egin zuten dantza. Zapatuko
giroa jasotzen duten argazkiak zintzilikatu ditugu
Mediatekan . Sartu eta ikusi!
Errifako zenbaki
sarituak
VI. Debagoienako Trikitixa Eguneko
errifako zenbaki sarituak hurrengo hauek dira:
- 1go saria: 271.
Agertu ezean: 607
- 2. saria: 9829
Agertu ezean: 7845
- 3. saria: 197
Agertu ezean: 3134