Atzo Eibarko Astelena pilotalekuan finalerdietako sailkatzea erabaki zen. Gonzalez eta Laskurain Olaizola eta Mendizabalek aurka. Hasieran partidua erraz joan zen Aspeko bikotearentzat, 5-13, abantaila erosoa lortu zuten Asegarceko bikotearen aurretik. Olaizolak eta Mendizabalek, alde hori txikitu ahal izan zuten, batetik, euren tantoei esker baina baita Aspeko bikoteak egindako akatsen ondorioz 16 tantoan parekatzea lortu zuten arte.
Aritz Laskurain fin ibili zen atzean eta azkenean, 21-22 Aspeko bikoteak
merezitako garaipena lortu zuen.
Modu honetara, Eskuz Binakako txapelketako finalerdietatik kanpo geratu
dira Asegarceko pelotariak. Partiduko momentu batzuk emozio handikoak
izan ziren Astelena
frontoian, Soraluzetik ere asko izan ziren Laskurain animatzera joan
ziren
herritarrak.
Binakako txapelketako finalerdietara sailkatu diren bikoteak,
Xala-Zubieta, Irujo-Beroiz, Titin-Pascual eta Gonzalez eta Laskurain
dira. Gaur azken partidua jokatuko dute Tolosan, Xala-Arruti eta
Saralegi-Apraizek, arratsaldeko 16:30ean.