Uste dutenez, 2 edo 3 hilabeteko epean jakingo dute nun eta
noiz deklaratuko duten. Bi
gazteek kontatu dutenez, euren abokatuak "aspaldian horrelakorik ikusi
ez" duela esan zien eta euren nahia, kasua artxibatzea da
"zentzugabekeria bat iruditzen zaigulako megafonia pasatzeagatik
terrorismoari gorazarre egitea leporatzea", diote.
"Torturatzea ez da delitua, torturak salatzea bai"
Bi gazteak hurrengo egunetan ospatzekoa zen Torturaren Aurkako
Nazioarteko Egunaren
harira antolatutako egitarauaren berri ematen ari ziren, kartelen eta
megafoniaren bidez. Orduan atxilotu eta Bergarara
eraman zituzten. Bide batez, gau hartan zerabilten bietako baten autoa
konfiskatu egin zieten eta egoera berdinean jarraitzen dute, autorik
gabe. Haserre daude gazteak, ez zaie logikoa iruditzen pasatzen ari
zaiena, "zientzia fikzioa dirudi guzti honek.
Antza denez, torturatzea ez da delitua, baina torturak salatzea bai".