Atzo Sutea egon zen Galvanizados Arrate S.A. enpresan

Goizeko 06:00ak inguruan, goizeko txandan lan egiten duten langileek ohartu ziren suteaz. SOS Deiak-era deitu ostean, Gipuzkoako suhiltzaileek goizeko 08:00ak aldera lortu zuten sua itzaltzea.
Sagar Erreka auzoko poligonoan dagoen Galvanizados Arrate S.A. lantegian 40 langile inguruk egiten dute lan eta orain dela 9 urte egin zuten solairu berria. Sutearen ondorioz, makineria eta teilatua kaltetuta geratu dira baina bulegoak eta biltegiak ez dute kalterik jasan, lantegiaren ondoko solairu batean kokatuta daude eta. Oraindik, kalteak aztertu eta egoeraren analisia egin behar dute, Ertzaintzak sutearen iturburua aztertzen duen bitartean.