Eibar aldetik herrira sartzeko bihurgunea baino metro batzuk aurrerago harriak jausi dira errepidera eta Ertzantzak Plaentxia.eus-i jakinarazi dionez, lau autok kalte arinak jasan dituzte. Haietako bati gurpila lehertu zaio.
Gidariek abisua pasatu ostean, herriko udaltzaingoa eta Ertzantzaren patruila bi hurreratu dira ingurura. Trafikoa moteldu dute errepidean ziren harriak kendu bitartean eta harriak "oso neurri txikikoak" ziren arren, errepidean autoek eramaten duten abiadura handia dela eta, arrisku handia sortu dutela jakinarazi digu udaltzainak.