Plaentxia.eus-ek bisita kopurua bikoiztu du 2014tik 2015era bitartean. 2014an Plaentxia.com-ek 34.000 bisita izan zituen urtarriletik abendura bitartean eta 2015ean Plaentxia.eus-ek 77.000 bisita izan ditu, bikoitza baino gehiago (%125eko igoera). Gaur egun, bataz beste, webguneak 300-400 bisita izaten ditu egunero, abuztuan izan ezik. Horietatik ia laurdenak mugikorra erabiltzen du webgunean sartzeko (%22a). Aktualitatearen jarraipen zabalagoa eta ikus-entzutekoen eskaintza handitzeak, eta dagoeneko 40 blog baino gehiago dituen komunitatearen jardunak eragin dute igoera hori. Aurtengo urtean ere bisitari kopurua hazten jarraitzea izango da helburua.